(జననీ సేవ ) శిశువులకు వేడి పాలు రైల్వేలో:................

జననీ సేవను కేంద్ర రైల్వే శాఖ మంత్రి సురేశ్ ప్రభు ప్రారంభించారు. ఈ సందర్భంగా సురేశ్ ప్రభు మాట్లాడుతూ.. శిశువులు, బాలింతకలకు జననీ సేవ ఉపయోపడుతుందన్నారు. తొలి దశలో 25 రైల్వే స్టేషన్లలో వేడిపాలు, వేడి నీళ్లతో పాటు శిశువులకు అవసరమయ్యే వస్తువులను అందుబాటులోకి తెచ్చామని తెలిపారు. 5 నుంచి 12 ఏళ్ల చిన్నారులకు ప్రత్యేక ఆహార మెనూ ప్రారంభిస్తున్నామని స్పష్టం చేశారు. రాజధాని, శతాబ్ది రైళ్ల టికెట్లలో తప్పనిసరి ఆహార నిబంధన సడలింపు చేస్తున్నట్లు తెలిపారు. శిశువుకు పాలు దొరక లేదంటూ ఓ బాలింత తనకు ట్వీట్ చేసిందని గుర్తు చేశారు. శిశువుకు వెంటనే పాలు అందేలా ఏర్పాటు చేశానని పేర్కొన్నారు. ఇలాంటి పరిస్థితులు చాలా మంది తల్లులు ఎదుర్కొంటున్నారని చెప్పారు. ఇబ్బందుల దృష్ట్యా అందరికీ ఉపయోగపడేలా జననీ సేవ ప్రారంభించామని స్పష్టం చేశారు.